香港牙醫・曼城廣東話牙醫
曼城廣東話牙醫・華人牙醫
我係朱醫生（Dr Michael Chu），香港出生，喺曼城 Didsbury 執業。主力植牙（種牙）、拔智慧齒及口腔手術、杜牙根同隱適美 Invisalign，可以用廣東話、普通話或英文同你詳細講解。
- 廣東話
- 普通話
- English
- GDC 289589
🕘 星期一至三 8:30am–5pm・星期四 9am–5pm・星期六 9am–12pm・曼城 Didsbury M20
治療項目
成人一般及專科興趣牙科治療，特別擅長手術及複雜個案。
植牙・種牙
用植牙修復缺牙，配合 3D CBCT 掃描規劃，需要時採用導板手術。持有植牙 PG Cert 研究生證書。
拔智慧齒（智齒）
處理痛楚或阻生智慧齒，包括橫生、近中阻生等較複雜嘅下顎智慧齒。
口腔手術・拔牙
一般及手術拔牙、斷根處理，以及小型軟組織手術，全程局部麻醉。
杜牙根（根管治療）
盡量保留受感染嘅真牙，包括有隱藏根管（例如 MB2）或 C 形根管嘅大牙。
隱適美・隱形牙套
Invisalign 透明牙套矯正牙齒，可以除低，比傳統鋼線牙箍更低調。
樹脂貼片、美白及牙周護理
Composite bonding 美學補牙、牙齒美白、牙周病治療同微創補牙。
真實個案
以下個案來自我嘅 Instagram，㩒入去可以睇完整介紹。
60 分鐘樹脂貼片
長期飲汽水導致門牙磨蝕，用 bonding 修復，唔使磨牙。
全口笑容重建
崩爛同磨損嘅牙齒分階段治療，重建健康自然嘅笑容。
美學補牙
封閉門牙牙縫，遮蓋黑點同裂紋。
下顎橫生智慧齒
橫生阻生智慧齒反覆發炎，以手術方式拔除。
上顎智慧齒手術
病人痛到食止痛藥都無效，即時處理拔除。
杜牙根一年後覆診
四條根管嘅大牙，治療一年後癒合良好。
搵出隱藏 MB2 根管
上顎大牙經常有一條容易遺漏嘅額外根管。
隱適美閂牙縫
用透明牙套大約四個月閂埋門牙牙縫。
個案經病人同意分享。治療效果因人而異。
關於朱醫生
我喺香港長大，2020 年畢業於曼徹斯特大學牙醫學士（BDS），之後完成植牙研究生證書（PG Cert），而家喺曼城南部 Didsbury（3 Fog Lane）睇症。
我好多病人都係大曼徹斯特嘅香港人及華人，來自 Didsbury、Stockport、Sale、Altrincham、市中心等地。用廣東話或普通話了解治療、費用同風險，特別係做手術之前，會安心好多。
我主力植牙、拔智慧齒及口腔手術，同埋處理複雜嘅杜牙根個案。我會仔細檢查、清楚解釋，盡量令治療過程舒適。
- 醫生朱醫生 Dr Michael Chu
- 學歷牙醫學士 BDS（曼徹斯特大學 2020）・植牙 PG Cert
- GDC 編號289589
- 語言廣東話、普通話、英文
- 診所3 Fog Lane, Didsbury, Manchester M20 6AX
- 應診時間星期一至三 8:30–5、星期四 9–5、星期六 9–12
病人評價
Google 評分 5.0。以下係部分病人評價（保留原文）。
好幸運係英國遇到香港人牙醫，朱醫生的技術高超及專業令到我係整牙過程中完全唔痛，朱醫生非常耐心講解非常清楚，令我係治療過程中非常安心，謝謝你！
— Kityin C. · Google 評價Dr Chu 會細心認真跟進所提說的牙齒問題，解釋原因，並作出較妥善的解決方法。
— Laulee T. · Google 評價He always takes the time to explain every part of the treatment clearly and in detail, including the condition of our teeth, the different treatment options, what each procedure involves, and what we should expect afterwards. He never makes us feel rushed.
— Claudia C. · Google 評價I am someone who feels very nervous and afraid of dental treatment. I am very grateful to Dr Chu for his skilled and gentle treatment. His steady and professional approach made me feel reassured and comfortable throughout the treatment.
— Coral · Google 評價Extremely professional. Explanations were clear, advice was well-tailored to my condition, and the dental surgery was handled with great skill.
— Daniel C. · Google 評價…had my incisor extraction and Invisalign done by Dr. Michael Chu. It was amazing and painless. He was so kind and explained everything step by step at every visit.
— Angel L. · Google 評價His diagnostic skills and judgment are outstanding—he accurately identified and resolved my toothache and other dental issues.
— Y. H. · Google 評價I highly recommend Dr Michael Chu to anyone who needs urgent professional dental care and advice… Dr Chu was fully booked on the date I needed but he still tries his very best to slot me in his very busy schedule.
— Terri H. · Google 評價Everything was explained clearly, helping me understand the pros and cons of each treatment option and feel more confident about making an informed decision.
— Hugo K. · Google 評價What stood out to me most was how gentle and careful he was during my cleaning and filling—I usually get pretty nervous at the dentist, but he made the whole appointment completely stress-free and comfortable.
— Kit Y. · Google 評價Second time to find Dr Michael Chu, he's helping me a lot for my tooth and gum issue. He will explain everything and advise me what should I do to keep my oral health well.
— Charles L. · Google 評價常見牙齒問題
大家最常問嘅牙痛、智慧齒同治療問題。內容只供參考，確診需要檢查。
緊急情況：如果面腫擴散得快、腫到近眼，或者吞嘢、呼吸、開口有困難，請即去 A&E 或打 999。非辦公時間嘅緊急查詢可以打 NHS 111。
曼城有冇講廣東話嘅華人牙醫？
有。朱醫生（Dr Michael Chu）係香港出生嘅牙醫，喺曼城 Didsbury 執業（3 Fog Lane, Didsbury, Manchester M20 6AX），識講廣東話、普通話同英文。WhatsApp 07887 889413 預約。
牙齒鬆郁係咩問題？
成年人牙齒鬆，通常係牙周病（牙肉同牙骨流失）、牙根發炎、撞傷，或者長期磨牙所致，好多時仲會有牙肉出血或萎縮。建議盡快檢查，照 X 光可以知道仲有幾多牙骨支撐，早啲處理好多時都保得住隻牙。
咬落去痛係咩事？
常見原因包括牙齒裂咗（裂齒）、補牙物料太高、蛀牙去到好深，或者牙根發炎生膿。如果係咬完放開嗰下刺痛，好多時係裂齒。上排大牙痛亦可能同鼻竇炎有關。唔好拖，裂齒可以越裂越深。
點知自己係咪智慧齒痛？
智慧齒痛通常喺口腔最後面、最尾隻大牙後面。常見徵狀：半出嘅智慧齒周圍牙肉腫痛（冠周炎）、口臭或者有怪味、擘唔大口，痛到耳仔或者喉嚨。照 X 光可以確認係咪阻生（例如橫生），同埋同神經嘅距離。
智慧齒一定要剝咩？
唔一定。如果智慧齒完全生出嚟、健康又清潔得到，可以保留。如果反覆發炎、智慧齒或前面嗰隻牙蛀咗、有水囊，或者影響隔籬牙，通常就建議拔除。
剝智慧齒痛唔痛？要幾耐先好返？
全程打局部麻醉，只會感覺到壓力，唔會刺痛。術後腫脹同硬痛通常喺第 2 至 3 日最明顯，大約一個星期左右會好返；比較複雜嘅手術拔除可能需要耐少少。
牙痛到夜晚瞓唔到係咩原因？
夜晚抽住痛，或者飲完凍熱嘢之後持續痛，好多時代表牙神經發炎，未必可以自己好返，通常要杜牙根或者拔牙。止痛藥只係暫時舒緩，應該盡快搵牙醫。
飲凍嘢牙齒痠痛係咩問題？
常見原因有琺瑯質磨損、牙肉萎縮令牙根外露、蛀牙、裂齒，或者啱啱做完美白。輕微敏感可以用抗敏感牙膏；如果痛得耐或者越嚟越嚴重，就要檢查。
刷牙牙肉流血點算？
通常係牙垢積聚引致嘅牙齦炎，加強清潔同洗牙就可以改善。如果唔處理，可以發展成牙周病，令牙骨流失、牙齒鬆郁。
杜牙根痛唔痛？
打咗局部麻醉，感覺通常同補牙差唔多。目的係清除受感染嘅牙神經，保留自己嘅真牙。大牙杜完牙根之後一般建議做牙套（crown）或 onlay 保護。
種牙痛唔痛？
種牙全程喺局部麻醉下進行，過程中唔應該會痛，好多病人話比拔牙仲輕鬆。之後幾日一般會有少少痠痛或者腫，食普通止痛藥通常就可以控制。
我適唔適合種牙？
大部分甩咗牙嘅成年人都可以考慮種牙，最重要係有足夠健康嘅牙骨、健康牙肉同整體健康良好。食煙同血糖控制唔好嘅糖尿病會增加失敗風險，評估時會詳細講解。
牙骨唔夠可唔可以種牙？
3D CBCT 掃描可以準確睇到有幾多牙骨。如果牙骨唔夠，可以同時補骨、上顎大牙做鼻竇提升（sinus lift），或者揀另一個尺寸嘅植體。有啲情況要先補骨，之後再種牙。
種牙可以用幾耐？
只要日常清潔做得好、定期覆診，植牙可以用好多年，甚至幾十年。上面嘅牙冠用耐咗可能要更換。植體周圍發炎（植體周圍炎）係最主要風險，所以清潔同洗牙好重要。
種牙、牙橋定假牙邊樣好？
種牙唔使磨細隔籬嘅牙，亦有助保留牙骨；牙橋比較快，但要靠兩邊嘅牙支撐；活動假牙最簡單、費用最低，但要除除戴戴。邊樣最啱你，要睇牙齒、牙骨、健康狀況同預算。
可唔可以即日種牙即日有牙？
有時可以。如果牙骨好、植體夠穩固，有機會即日裝臨時牙。但較多情況係等植體癒合先，期間會提供臨時方案，唔使頂住個牙窿。
用咩牌子嘅植體？
我主要用瑞士 Straumann 植體，每個個案都會用 3D CBCT 掃描規劃。
植牙（種牙）要幾耐？要幾錢？
一般會先做 3D CBCT 掃描評估，局部麻醉下植入牙根，之後癒合大約 2 至 4 個月再裝牙冠。如需要補骨，時間會長啲。費用視乎個別情況，諮詢後會詳細講解。
隱適美（隱形牙套）要戴幾耐？
簡單個案幾個月就可以；較複雜嘅一般需要 12 至 18 個月。每日要戴大約 22 個鐘，每 1 至 2 個星期換一副。
崩咗牙或者補牙甩咗點算？
保持清潔，避免用嗰邊咬硬嘢，盡快預約。如果有痛或者腫，請早啲聯絡我哋。
點樣預約朱醫生？
WhatsApp 07887 889413，留低你嘅名同想處理嘅問題，我哋會回覆可預約嘅時間。
預約及聯絡
所有預約及查詢請用 WhatsApp。